ప్రతిఏటా నిర్వహించే లడ్డూ వేలం పాట ఈసారి కూడా స్థానికుల్లో ఆసక్తిని రేకెత్తించింది. వేలంలో పోటీ నెలకొనగా, తాళ్లపల్లి శ్రీకాంత్ గౌడ్-కావ్య దంపతులు రూ.55,111కు లడ్డూను దక్కించుకున్నారు.

విఘ్నేశ్వరుడి ప్రసాదమైన లడ్డూను కైవసం చేసుకోవడంపై శ్రీకాంత్ గౌడ్ దంపతులు ఆనందం వ్యక్తం చేశారు. స్వామివారి ఆశీస్సులతో తమ కుటుంబంతో పాటు కాలనీవాసులందరూ ఆయురారోగ్యాలు, అష్టైశ్వర్యాలతో వర్ధిల్లాలని ఆకాంక్షించారు.

ఈ సందర్భంగా ఉత్సవ కమిటీ సభ్యులు, కాలనీ పెద్దలు శ్రీకాంత్ గౌడ్ దంపతులను శాలువా, పూలమాలలతో ఘనంగా సత్కరించారు.

అనంతరం గణనాథుని మహామంగళ హారతి, తీర్థప్రసాద వితరణ నిర్వహించారు. పెద్ద సంఖ్యలో పాల్గొన్న కాలనీవాసుల జయజయధ్వానాల మధ్య వినాయకుడి నిమజ్జన శోభాయాత్ర ప్రారంభమైంది.