లింగంపేట: శ్రీ సరస్వతి శిశు మందిర్ పాఠశాల భవన నిర్మాణానికి బీజేపీ రాష్ట్ర కార్యవర్గ సభ్యులు డాక్టర్ పైడిల్లారెడ్డి అండగా నిలిచారు.

శ్రీ సరస్వతి శిశుమందిర్ ప్రబంధ కారిని సభ్యుల పిలుపు మేరకు నిర్మాణంలో ఉన్నటువంటి శ్రీ సరస్వతి శిశు మందిర్ భవనాన్ని ఆయన పరిశీలించారు.

ఎల్లారెడ్డి నియోజకవర్గంలో పలు అభివృద్ధి కార్యక్రమాల్లో పాల్గొన్న పైడిల్లారెడ్డి వెంట అచ్చంపేట మాజీ ఎమ్మెల్యే గువ్వల బాలరాజు , బీజేపీ జిల్లా అధ్యక్షులు నీలం చిన్నరాజులు , బీజేపీ జిల్లా ప్రధాన కార్యదర్శి రవీందర్ రావు తదితరులు ఉన్నారు.

జపాన్‌లో ఉద్యోగరీత్యా స్థిరపడ్డప్పటికీ తన పుట్టిన నియోజకవర్గానికి ఎంతో కొంత సహాయం చేయాలనే ఉద్దేశంతో అభివృద్ధిలో భాగంగా ఈ విధంగా ఆర్థిక సహాయం అందించడం గొప్ప విషయమని నాయకులు ఈ సందర్భంగా కొనియాడారు.