సంగారెడ్డి జిల్లా నారాయణఖేడ్‌లో వినాయక నిమజ్జనాల నేపథ్యంలో పట్టణంలో ట్రాఫిక్ భారీగా పెరిగింది. నిమజ్జన కార్యక్రమాలకు పెద్ద సంఖ్యలో వాహనాలు, భక్తులు తరలిరావడంతో ప్రధాన రహదారులపై రాకపోకలకు కొంతసేపు అంతరాయం ఏర్పడింది.

రోడ్డు ఇరుకుగా ఉండటంతో వాహనాలు నెమ్మదిగా కదిలాయి. ఈ క్రమంలో ఓ అంబులెన్స్ సైతం కొద్దిసేపు ట్రాఫిక్‌లో చిక్కుకోవడంతో స్థానికులు ఆందోళన వ్యక్తం చేశారు.

విషయం గమనించిన నారాయణఖేడ్ బజరంగ్‌దళ్ నాయకులు, పోలీసులు వెంటనే రంగంలోకి దిగి ట్రాఫిక్‌ను క్రమబద్ధీకరించారు. వాహనాలకు మార్గం కల్పిస్తూ ట్రాఫిక్‌ను క్లియర్ చేయడంతో రాకపోకలు తిరిగి సాధారణ స్థితికి చేరుకున్నాయి.

నిమజ్జన కార్యక్రమాలు ప్రశాంతంగా కొనసాగేందుకు పోలీసులు, బజరంగ్‌దళ్ నాయకులు సమన్వయంతో పనిచేశారు.