ప్రమోషన్లలో రిజర్వేషన్లు కల్పించాలి: కొంగల వెంకట్
ఎల్లారెడ్డిలో ఏకగ్రీవంగా ఉపాధ్యాయ సంఘం మండల కమిటీ ఎంపిక
ఇవి కూడా చదవండి
పవార్ వార్త, ఎల్లారెడ్డి: కామారెడ్డి జిల్లా ఎల్లారెడ్డి మండల ఎస్సీ, ఎస్టీ ఉపాధ్యాయ సంఘం నూతన కమిటీని శనివారం ఏకగ్రీవంగా ఎన్నుకున్నారు. ఎల్లారెడ్డి బాలికల ఉన్నత పాఠశాలలో నిర్వహించిన ఈ సమావేశంలో మండల అధ్యక్షుడిగా భాస్కర్ రాథోడ్, ప్రధాన కార్యదర్శిగా దేవావత్ వినోద్ ఎంపికయ్యారు. సంఘం రాష్ట్ర అధ్యక్షుడు కొంగల వెంకట్ ముఖ్య అతిథిగా, రాష్ట్ర అసోసియేట్ అధ్యక్షుడు కనిరామ్ మెగావత్ విశిష్ట అతిథిగా హాజరయ్యారు.
ప్రమోషన్లలో రిజర్వేషన్లపై ప్రస్తావన
ఈ సందర్భంగా కొంగల వెంకట్ మాట్లాడుతూ ఎస్సీ, ఎస్టీ ఉపాధ్యాయులు ప్రమోషన్లలో రిజర్వేషన్ల విషయంలో నష్టపోతున్నారని పేర్కొన్నారు. సమాజంలో ఇప్పటికీ వివిధ స్థాయిల్లో అంటరానితనం, వివక్ష, అవమానాలు ఎదురవుతున్నాయని ఆవేదన వ్యక్తం చేశారు. స్వాతంత్ర్యం వచ్చి 79 సంవత్సరాలు గడిచినా గ్రామీణ ప్రాంతాల నుంచి పట్టణాలు, ఉద్యోగ, రాజకీయ రంగాల వరకు వివక్ష కొనసాగడం ఆందోళనకరమన్నారు.
భారత రాజ్యాంగం అందరికీ సమాన హక్కులు కల్పించిందని, సమాజంలో సమానత్వం సాధించేందుకు ప్రతి ఒక్కరూ రాజ్యాంగబద్ధంగా కృషి చేయాలని పిలుపునిచ్చారు. ప్రమోషన్లలో రిజర్వేషన్లు కల్పించాలని, సామాజిక కార్యక్రమాల్లో ఉపాధ్యాయులు చురుగ్గా పాల్గొనాలని సూచించారు.
నాణ్యమైన విద్యతో సమసమాజ నిర్మాణం
పేద ప్రజల పిల్లలకు నాణ్యమైన విద్య అందించేందుకు ఉపాధ్యాయులు అంకితభావంతో పనిచేయాలని కొంగల వెంకట్ అన్నారు. శాస్త్రీయ విద్య ద్వారా సమసమాజ నిర్మాణం సాధ్యమవుతుందని, డాక్టర్ బాబాసాహెబ్ అంబేద్కర్ ఆశయాలకు అనుగుణంగా నవభారత నిర్మాణానికి విద్యే పునాది కావాలని పేర్కొన్నారు. సంఘాన్ని బలోపేతం చేయడంతోపాటు సామాజిక సమస్యల పరిష్కారానికి ఉపాధ్యాయులు కృషి చేయాలని కోరారు.
నూతన కమిటీ సభ్యులు
రాష్ట్ర అసోసియేట్ అధ్యక్షుడు కనిరామ్ మెగావత్ ఆధ్వర్యంలో నూతన మండల కమిటీని ఏకగ్రీవంగా ఎన్నుకున్నారు.
– మండల అధ్యక్షుడు: భాస్కర్ రాథోడ్
– ప్రధాన కార్యదర్శి: దేవావత్ వినోద్
– మహిళా ఉపాధ్యక్షులు: అనిత దేవి, వసంత
– కోశాధికారి: శివ రాములు
– వర్కింగ్ ప్రెసిడెంట్: నౌసియా
– ఉపాధ్యక్షులు: సాయిలు, సవాయి సింగ్
– కార్యదర్శులు: ఆనందరావు, కాశీనాథ్
జిల్లా ఉపాధ్యక్షుడు జ్ఞానేశ్వర్, మాజీ మండల అధ్యక్షుడు మంత్రి వెంకటయ్య, సంఘ బాధ్యుడు రాందాస్ తదితరులు సమావేశంలో పాల్గొన్నారు.













