మేడ్చల్–మల్కాజిగిరి జిల్లా నాగారం మున్సిపాలిటీ పరిధిలో ఆల్ ఇండియా బంజారా సేవా సంఘ్ జిల్లా యూత్ అధ్యక్షుడు మేఘావత్ భద్రు నాయక్, బానోతు రెడ్యా నాయక్ ఆధ్వర్యంలో బంజారా తీజ్ ఉత్సవం ఘనంగా నిర్వహించారు. నాగారం నాలుగు దిక్కుల నుంచి బంజారా సోదరులు, సోదరీమణులు సంప్రదాయ దుస్తుల్లో పెద్ద సంఖ్యలో పాల్గొని ప్రత్యేక పూజలు నిర్వహించారు.

ఈ వేడుకల్లో మాజీ చైర్మన్ చంద్రారెడ్డి, కాంగ్రెస్ పార్టీ మాజీ అధ్యక్షుడు ముప్పు శ్రీనివాస్ రెడ్డి, సాయిబాబా టెంపుల్ చైర్మన్ అన్నంరాజు శ్రీనివాస్, మాజీ కౌన్సిలర్ అన్నంరాజు లావణ్య, మాజీ కౌన్సిలర్ బీజా శ్రీనివాస్ గౌడ్, మాజీ కౌన్సిలర్ అనంతరెడ్డి, మాజీ వార్డు సభ్యుడు చిన్నంరాజు సాయినాథ్ గౌడ్, నాగారం టీజీఎస్ పార్టీ అధ్యక్షుడు చిట్యాల శ్రీనివాస్ రెడ్డి, సత్యనారాయణ కాలనీ యునైటెడ్ వెల్ఫేర్ అసోసియేషన్ అధ్యక్షుడు జి. రఘుప్రసాద్, ప్రధాన కార్యదర్శి కాందడి శ్రీనివాస్ రెడ్డి, ఉమాశంకర్ గౌడ్‌తో పాటు వివిధ రాజకీయ పార్టీల నాయకులు, కాలనీ కమిటీ సభ్యులు, పారిశ్రామికవేత్తలు, విద్యావంతులు, స్థానిక ప్రజలు పాల్గొన్నారు.

ఈ సందర్భంగా నిర్వాహకులు మాట్లాడుతూ బంజారా జాతి సంస్కృతి, ఆచార వ్యవహారాలు, సంప్రదాయాలను భావితరాలకు అందించడమే తీజ్ ఉత్సవాల ముఖ్య ఉద్దేశమని తెలిపారు. కార్యక్రమాన్ని విజయవంతం చేసిన ప్రతి ఒక్కరికీ పేరుపేరునా కృతజ్ఞతలు తెలిపారు.