కామారెడ్డి జిల్లా బీబీపేట్ మండలంలో ఆచార్య కొండా లక్ష్మణ్ బాపూజీ 14వ వర్ధంతి సందర్భంగా పద్మశాలి సంఘం ఆధ్వర్యంలో నివాళుల కార్యక్రమం నిర్వహించారు. బీబీపేట్ పద్మశాలి సంఘం అధ్యక్షుడు అంకాలం నరేందర్ ఆధ్వర్యంలో ఈ కార్యక్రమం జరిగింది.

కార్యక్రమంలో కామారెడ్డి డివిజన్ పద్మశాలి సంఘం అధ్యక్షుడు తుమ్మ మచ్చేందర్, హెచ్.డబ్ల్యూ.సి.ఎస్ బీబీపేట్ చైర్మన్ అల్వాల శ్రీనివాస్, వైస్ చైర్మన్ తుమ్మ రవీందర్ అతిథులుగా పాల్గొన్నారు. వారు బాపూజీ చిత్రపటానికి పూలమాల వేసి నివాళులు అర్పించారు.

ఈ సందర్భంగా కామారెడ్డి డివిజన్ పద్మశాలి సంఘం అధ్యక్షుడు తుమ్మ మచ్చేందర్ మాట్లాడుతూ, బాపూజీ జీవితకాలం సమాజ సేవ చేస్తూ మరణించారని తెలిపారు. ఆయన స్వాతంత్ర్య ఉద్యమంలో, తెలంగాణ సాయుధ పోరాటంలో, ప్రత్యేక తెలంగాణ తొలి మరియు రెండో ఉద్యమంలో పాల్గొన్నారని పేర్కొన్నారు. బహుజనుల ఆశాజ్యోతిగా ఆయన తన కుటుంబం కన్నా సామాజిక సేవలోనే నిమగ్నమయ్యారని అన్నారు.

1969 ప్రత్యేక తెలంగాణ ఉద్యమం కోసం తన మంత్రి పదవిని సైతం త్యాగం చేశారని, తన ఆస్తులను కూడా ఇచ్చారని మచ్చేందర్ గుర్తుచేసుకున్నారు. వృద్ధాప్యం వరకు సమాజ సేవలకు అంకితం అయ్యారని, నేటి తరం ఆయనను ఆదర్శంగా తీసుకోవాలని ఆయన కొనియాడారు.

ఈ కార్యక్రమంలో మండల పద్మశాలి సంఘం నేతలు బాలే సహదేవ్, శివరాత్రి లక్ష్మీనారాయణ, చిలుక భాస్కర్, కారంపురి వేణు, సిరిగాధ బాల్ రాజు, చందుపట్ల శ్రీహరి, చింతకింది వేణు, చింత లింగం, బింగీ పెంఠప్ప, బోడ శ్రీనివాస్, దుడుగు శ్రీనివాస్ తో పాటు మల్కాపూర్, జనగామ మాందాపూర్ మరియు బీబీపేట్ నుండి సభ్యులు పాల్గొని నివాళులు అర్పించారు.