ఎల్లారెడ్డి: ఎల్లారెడ్డి నియోజకవర్గంలో కాంగ్రెస్ పార్టీలో చేరికలు కొనసాగుతున్నాయి. ఎమ్మెల్యే మదన్ మోహన్ నాయకత్వంలో చేపడుతున్న అభివృద్ధి కార్యక్రమాలు, కాంగ్రెస్ ప్రభుత్వం అమలు చేస్తున్న సంక్షేమ పథకాలకు ఆకర్షితులై లింగంపేట్ మండలం ముస్తాపూర్ గ్రామానికి చెందిన పలువురు ప్రజాప్రతినిధులు కాంగ్రెస్ పార్టీలో చేరారు.

ఈ సందర్భంగా ఎమ్మెల్యే మదన్ మోహన్ మాట్లాడుతూ, గ్రామాల అభివృద్ధి, ప్రజా సంక్షేమమే లక్ష్యంగా కాంగ్రెస్ ప్రభుత్వం ముందుకు సాగుతోందని పేర్కొన్నారు.

కాంగ్రెస్ ప్రభుత్వం అమలు చేస్తున్న ఇందిరమ్మ ఇళ్లు, కొత్త రేషన్ కార్డులు, సన్న బియ్యం పంపిణీ, 200 యూనిట్ల వరకు ఉచిత విద్యుత్ వంటి సంక్షేమ పథకాలు పేద, మధ్యతరగతి కుటుంబాలకు ప్రత్యక్షంగా ప్రయోజనం చేకూరుస్తున్నాయని ఈ సందర్భంగా చేరిన నాయకులు తెలిపారు.

నియోజకవర్గంలో జరుగుతున్న అభివృద్ధి కార్యక్రమాలతో ప్రజల్లో కాంగ్రెస్ పార్టీపై విశ్వాసం మరింత పెరుగుతోందని వారు పేర్కొన్నారు.