బీఆర్ఎస్‌కు షాక్.. మాజీ ఎమ్మెల్యే తాటి వెంకటేశ్వర్లు రాజీనామా ప్రకటన

భద్రాద్రి కొత్తగూడెం, అక్టోబర్ 06, 

భద్రాద్రి కొత్తగూడెం జిల్లాలో బీఆర్ఎస్‌కు మరో ఎదురుదెబ్బ తగిలే పరిస్థితి నెలకొంది. అశ్వారావుపేట మాజీ ఎమ్మెల్యే తాటి వెంకటేశ్వర్లు బీఆర్ఎస్‌కు రాజీనామా చేయనున్నట్లు ప్రకటించారు.
రెండు రోజుల్లో తన అనుచరులతో చర్చించి రాజీనామాపై అధికారిక ప్రకటన విడుదల చేస్తానని తాటి వెంకటేశ్వర్లు తెలిపారు.

ఈ మేరకు మంగళవారం ఆయన ఒక ప్రకటన విడుదల చేశారు.
గత సార్వత్రిక ఎన్నికలకు ముందు అసంతృప్తితో బీఆర్ఎస్‌ను వీడి కాంగ్రెస్‌లో చేరిన తాటి వెంకటేశ్వర్లుకు ఆ పార్టీ నుంచి టికెట్ దక్కలేదు. దీంతో అనంతరం ఆయన తిరిగి బీఆర్ఎస్‌లో చేరారు.
తాజాగా పార్టీ నాయకత్వంపై అసంతృప్తి వ్యక్తం చేసిన ఆయన.. గౌరవం లేని చోట తాను ఉండలేనని స్పష్టం చేశారు. ఈ క్రమంలో బీఆర్ఎస్ నాయకత్వంపై ఆయన విమర్శలు చేశారు. రెండు రోజుల్లో అనుచరులతో చర్చించిన అనంతరం తన తదుపరి నిర్ణయాన్ని అధికారికంగా వెల్లడించనున్నట్లు తెలిపారు.