హైదరాబాద్‌లోని మహాత్మా జ్యోతిబా ఫూలే ప్రజా భవన్‌లో తెలంగాణ రాష్ట్ర ప్రణాళిక సంఘం నూతన ఉపాధ్యక్షురాలిగా గద్వాల విజయలక్ష్మి సోమవారం బాధ్యతలు స్వీకరించారు.

ఈ సందర్భంగా రాష్ట్ర ప్రభుత్వ సలహాదారు షబ్బీర్ అలీ గద్వాల విజయలక్ష్మిని మర్యాదపూర్వకంగా కలిసి శుభాకాంక్షలు తెలిపారు. నూతన బాధ్యతల్లో విజయవంతంగా కొనసాగుతూ రాష్ట్ర అభివృద్ధి, ప్రణాళికా రంగంలో కీలకంగా పనిచేయాలని ఆకాంక్షించారు.

తెలంగాణ రాష్ట్ర ప్రణాళిక సంఘం ఉపాధ్యక్షురాలిగా విజయలక్ష్మి బాధ్యతలు స్వీకరించడంపై పలువురు నాయకులు, ప్రజాప్రతినిధులు, కాంగ్రెస్ పార్టీ శ్రేణులు హర్షం వ్యక్తం చేస్తూ ఆమెకు శుభాకాంక్షలు తెలిపారు.