గార్లలో శాతవాహన ఎక్స్‌ప్రెస్‌కు హాల్ట్ కోరుతూ రైల్వే జీఎంకు వినతిపత్రం

గార్ల రైల్వే ప్రయాణికుల సమస్యలను పరిష్కరించాలని కోరుతూ రైల్వే జనరల్ మేనేజర్ సంజయ్ కుమార్ శ్రీవాస్తవ, డీఆర్‌ఎం గోపాలకృష్ణన్‌కు వినతిపత్రం సమర్పించారు. మహబూబాబాద్ రైల్వే స్టేషన్‌లో అభివృద్ధి కార్యక్రమాల పరిశీలన సందర్భంగా అక్టోబర్ 2న ఈ వినతిపత్రాన్ని అందజేశారు.

గార్ల రైల్వే ప్రయాణికుల విజ్ఞప్తి మేరకు శాతవాహన ఎక్స్‌ప్రెస్‌కు గార్లలో హాల్ట్ ఏర్పాటు చేయాలని వినతిపత్రంలో కోరారు. అలాగే రైల్వే స్టేషన్‌లో డిస్ప్లే బోర్డులు, ప్లాట్‌ఫారాల సామర్థ్యాన్ని పెంచాలని విజ్ఞప్తి చేశారు.

రైల్వే స్టేషన్ వరండా నిర్మించాలని వినతి

వర్షాలకు రైల్వే స్టేషన్ వరండా దెబ్బతిన్నందున, చాలా కాలంగా పెండింగ్‌లో ఉన్న వరండా నిర్మాణాన్ని పకడ్బందీగా చేపట్టి త్వరితగతిన పూర్తి చేయాలని కోరారు.

అదేవిధంగా ఉదయం వేళ నడిచే ప్యాసింజర్ రైలును కొనసాగించాలని కూడా రైల్వే అధికారులను కోరినట్లు తెలిపారు.

ఈ సందర్భంగా గార్ల ప్రాంతానికి సంబంధించిన రైల్వే మౌలిక వసతులు, ప్రయాణికుల అవసరాలపై వినతిపత్రంలో వివరించారు.

వినతిపత్రం సమర్పించిన కార్యక్రమంలో డీఆర్‌సీసీ యూయూ, రైల్వే బోర్డు కమిటీ సభ్యులు లచ్చి రామ్ నాయక్, ఖాదర్, గార్ల మండల ప్రముఖులు, సీనియర్ సోషల్ వర్కర్ కందునూరి ఈశ్వర్ లింగం, బీసీ సంఘం జేఏసీ చైర్మన్, జిల్లా నాయకులు, సూత్రపు రాజు, యాదవ్ తదితరులు పాల్గొన్నారు.

0 మంది ఇష్టపడ్డారు
షేర్
డౌన్‌లోడ్న్యూస్ పేపర్ క్లిప్పింగ్ • హై క్వాలిటీ

మరిన్ని వార్తలు

వ్యాఖ్యానించండి