ఈ సందర్భంగా సీపీఎం జిల్లా కార్యదర్శివర్గ సభ్యుడు కందునూరి శ్రీనివాస్‌, మండల కార్యదర్శి అలవాల సత్యవతి మాట్లాడుతూ.. జ్ఞానేష్‌ కుమార్‌ తీసుకుంటున్న నిర్ణయాలు పార్లమెంటరీ ప్రజాస్వామ్యానికి ప్రమాదకరంగా మారుతున్నాయని ఆరోపించారు.

మిగిలిన ఇద్దరు ఎన్నికల కమిషనర్ల సూచనలను పట్టించుకోకుండా SIR పేరుతో దాదాపు 13 కోట్ల ఓట్లను తొలగించారని వారు ఆరోపించారు.

అధికార పక్షం ఎన్నికల నిబంధనలను ఉల్లంఘిస్తున్నా ఎన్నికల సంఘం పట్టించుకోవడం లేదని, విపక్షాల అభ్యంతరాలను పరిగణనలోకి తీసుకోవడం లేదని సీపీఎం నాయకులు విమర్శించారు.

ఎన్నికల సంఘం స్వతంత్రంగా వ్యవహరించాల్సిన రాజ్యాంగ సంస్థ అయినప్పటికీ అధికార పక్షానికి అనుకూలంగా పనిచేస్తోందని వారు ఆరోపించారు.

జ్ఞానేష్‌ కుమార్‌ను తొలగిస్తే తప్ప ప్రజాస్వామ్యం మనుగడ సాగించలేదని వారు పేర్కొన్నారు.