నారాయణపేట: నారాయణపేట జిల్లాలో కృష్ణజింకను వేటాడి, దాని మాంసాన్ని హైదరాబాద్‌కు తరలిస్తున్న తొమ్మిది మందిని పోలీసులు అరెస్ట్ చేశారు. ఉట్కూర్ మండలం లక్ష్మీపల్లి అటవీ ప్రాంతంలో కృష్ణజింకను తుపాకులతో వేటాడినట్లు పోలీసులు గుర్తించారు. షాద్‌నగర్ టోల్ ప్లాజా వద్ద వాహనాల తనిఖీల్లో నిందితులు పట్టుబడ్డారు.

కృష్ణజింకను వేటాడి హైదరాబాద్‌కు తరలిస్తుండగా..

లక్ష్మీపల్లి అటవీ ప్రాంతంలో కృష్ణజింకను తుపాకులతో వేటాడి, దాని తల, కాళ్లు తొలగించిన అనంతరం మాంసాన్ని హైదరాబాద్‌కు తరలిస్తున్నట్లు పోలీసుల సమాచారం. షాద్‌నగర్ టోల్ ప్లాజా వద్ద వాహనాలను తనిఖీ చేసిన పోలీసులు తొమ్మిది మందిని అరెస్ట్ చేశారు.

అరెస్టయిన వారిలో ఉట్కూర్ మండలానికి చెందిన రియాజ్‌తోపాటు హైదరాబాద్‌కు చెందిన మరో ఎనిమిది మంది ఉన్నట్లు పోలీసులు గుర్తించారు.

13 కిలోల జింక మాంసం, తుపాకీ స్వాధీనం

నిందితుల నుంచి 13 కిలోల జింక మాంసంతోపాటు ఒక తుపాకీ, 19 బుల్లెట్లు, స్కార్పియో వాహనం, ఎనిమిది సెల్‌ఫోన్లు, ఒక కెమెరా, రూ.28,500 నగదును పోలీసులు స్వాధీనం చేసుకున్నారు.

0 మంది ఇష్టపడ్డారు
షేర్
డౌన్‌లోడ్న్యూస్ పేపర్ క్లిప్పింగ్ • హై క్వాలిటీ

మరిన్ని వార్తలు

వ్యాఖ్యానించండి